قصة جديدة تتناولها الصحف المصرية والعالمية ، تدعو إلي الدراسة في هذا الأمر. هل هي حالات فردية؟ ، ام اكثر من ذلك ؟ ، وتناول نشطاء علي مواقع التواصل الاجتماعي هذه القضة ولكن من زاوية أخري. وهي رد فعل الكاشير المصري وليد حسن واستسلامه لثلاث صفعات، فكان منهم المعترض ومن القي اللوم عليه وكان منهم من تعاطف معه.
وانت عزيزي القارئ من تكون ؟
اطلعنا علي رأيك ، ولكن قبل ان تحكم او تقول يجب ان تعرف القصة كاملة من هذا الفيديو:
هذا هو الرد علي كل المنتقدين لموقف الكاشير المصري وليد
صعيدي ؟! ايوه صعيدي
وعارف انه كلكم بتلومونى وبتشتمونى
عشان قبلت على كرامتى أن الكويتى يضربني
مش بس كده
ده كمان ووقفت ساكت إيدي في جنبي
بعد كل قلم مستني
القلم اللي التاني
بس لو تعرفو انا مقبلتش أنه يضربني
ولا هانت علي كرامتي زي ما بتقولو
انا محستش اصلا بالضرب ده
اصل انتوا متعرفوش حاجة
متعرفوش أنا كنت شايف ايه وقتها قدام عيني
شايف ايه؟
شايف حلم بيضيع
شايف السجن اللى مستنينى لما ارجع مصر
شايف حسرة امى
وصدمة ابويا
وكسرة اخواتى
ومحدش يقولي كرامتك فوق كل شئ
ما أنا فقير وقلت ومالو
الفقر ما هوش عيب
والشغل كمان مهوش عيب
خلصت تعليم وملقيتش شغل
لا عارف اشترى هدمه ليا
ولا عارف حتي اساعد ابويا في البيت
واول ما لقيت شغل يادوب يكفى مصاريفى
جت الكورونا وطردونى
عشان يخفو العمالة
وفجأة تلاقي واحد يقولك تسافر الكويت ؟
قولت ياريت !
بس عارفين بكام ؟
٥٠ الف جنيه
طب عارف معايا منهم
كام ؟ وباقي كام ؟
ولا مليم
حلم كبير هينقلنى انا وابويا وامى واخواتى من الفقر
هريح ابويا وامى وهجهز اخواتى البنات
وهشترى اللى نفسي
فيه
طب عارفين جيبت الفلوس كيف ؟
طبعا محدش هيسلفني مبلغ كبير
كتبت بيهم ١٠ إيصالات
أمانة
وفوقهم كمان واحد على
بياض
طيب خليك مكاني وقولي
بدل ما ارجع لأبويا وامي واخواتي بشنطة هدايا وفولس
ارجع لهم بديون مديون
واحنا فقراء محليتناش
حاجة نبيعها
صدقني
انا محستش باى ضرب
انا كنت متبنج ببنح الفقر وخراب البيت
انا مش جبان
لكن هو جبان وانا اجير
هو قادر وانا ضعيف
هو فى بلده وانا الغريب
هو صاحب البيت وانا عنده ضيف
بس تعرف
هو مضربنيش
اللى كان بيضربنى هو الفقر والحوجة
اللى كان بيضربنى هو إيصالات الأمانة
بس
تعرفو
القلم
موجعنيش
اللي
وجعني
هو
ظلمكم ليا
انكم
تقولو
اني معنديش كرامة
وجبان
بس انا
مش جبان
ارجوكم
متظلمونيش
نعم عزيزي القارئ : لا تحكم قبل ان تضع نفسك مكانه ، بل صدقني حتي وان حاولت ان تضع نفسك مكانه فلاتستطيع ان تحكم ، كما يقول المثل "اللي من بعيد شاطر" وكذلك "اللي ايده في المياه مش زي اللي ايده في النار"
ارجوكم لا تظلمو احداً بتعليقاتكم علي مواقع التواصل الاجتماع . فقد تكون انت المؤلم والموجع له أكثر من الذي صفعه.
ليست هناك تعليقات:
إرسال تعليق